Das 5. Laimer Frauenturnier am Sonntag, dem 11. Juni 2017

Turnierbericht und Ergebnisse

1

Wieda moi homma uns troffa
Um zum Spuin, und - song mas offa-
zum Gwinna aa amoi, wenns gaang.
Do drauf wartma scho vui zlang!

2

Mia warn scho öfters kurz davor
Vorm Zui, grouß wiara Scheina-Tor.
Dann homma doch neikriagt an Zwirl.
Doch heit lafft ollas wiaram Schnirl.

3

A Mannschaft homma, aus oam Guss.
Do zuazumschaung, des is a Gnuss.
Sie könnas olle. Glernt is glernt.
Owa vielleicht ja doch vadeant
A bsonders Lob de Annika:
Hoib Stellerin, hoib Libera,
Spuit s'. Ja, mi leckst am Orsch!
Und Aufschläg wia da Grozer Schorsch!

4

De andern Mannschaftn mitnand
De spuin ma reglrecht an d'Wand.
Und dann? Dann homma s' olle gschlong.
„Mission accomplished!“ kanntma song.

5

Do bricht da Anderl uns, zack-zack!
Mit seim Turniermodus as Gnack:
Eahm glangts net, daß ma s' gschlong hom alle.
Er mechat aa no a Finale.

6

Es spuit da Erste gegan Zwoatn
Daß nomoi nei wern gmischt de Koartn.
So hot ers festglegt, zwengs da Spannung.
Do hot er hoit no ghabt koa Ahnung
Daß am Schluss da erstn Rundn
Mir selwa Ersta werdn kunntn.

7

Jetzt tuats uns scho a bisserl stinka
Owa warum soiits uns net glinga
D'Chiquitas, wias uns zvor is glunga
A zwoats Moi aa no eineztunka?

8

Doch des is leichter gsagt wia toa.
As Herz werd schwer, ois wiara Stoa.
D'Chiquitas, gschlossn, vorn und hintn.
Do is koa Schwachpunkt mehr zum Findn.
De Unsern tuat, ma konns kaum fassn
Zerst d'Kraft und dann da Muat verlassn.

9

Und bis ma schaung, omei! Omei!
Do is des Endspui scho vobei.
Koan Fuaß homma mehr kriagt auf d'Erdn.
Do konnma hoit bloß Zwoata werdn.

10

Noja, so gehts. Doch andraseits:
Der zwoate Plootz is aa wos Gscheits!
Wenn ma scho desweng woana woiit
Ma liawa gor net mitspuin soiit!

11

Warum werd do verschwieng so schamhaft:
Mir hom aa no a zwoate Mannschaft
dabeighabt, Laima Nostra gnennt?
Und der versaamt wos, wo s' net kennt!

12

Vom Christian, do wern s' träniat
Vo da Franziska gleitt und gfiaht.
Da Nasar unterstützt s' moralisch.
Und spuin tean s', zeitweis fast genialisch.

13

Dann owa nehma s', öfters leida-
A Auszeit - und as Spui lafft weita ...
So hom s'a poor Sätz hergschenkt, mei!
Gwunna hom s' aa oa: Stucker drei!

14

Da fümfte Plootz am Schluss kimmt raus.
Und damit gengan s' zfrieden zhaus.
De Gastfrauschaftn san aa froh
(D'Chiquitas, de ja sowieso)
Da Plootz is einglich ganz egal.
A Gaude wars, aaf jedn Fall!

Knapp an den Medaillen vorbei: Las chikas rotas auf Platz 4

Halle 1

Halle 2

Halle 3

Junge Wilde - Laima Nostra

25:16 15:26

Zamgwürfelte - Fesche Madl

25:06 20:13

Chiquitas – Chikas rotas

25:17 09:18

Laima Nostra - Zamgwürfelte

08:25 18:25

Schlaimer Zufall - Junge Wilde

25:14 25:12

Zamgwürfelte – Schlaimer Zufall

20:25 13:19

Fesche Madl - Chiquitas

07:25 13:25

Laima Nostra – Chikas rotas

14:25 17:25

Junge Wilde – Chiquitas

14:25 14:16

Chikas rotas – Fesche Madl

25:13 25:04

Schlaimer Zufall – Chiquitas

25:16 17:16

Fesche Madl – Laima Nostra

18:25 10:25

Zamgwürfelte – Junge Wilde

25:20 24:08

Chikas rotas– Schlaimer Zufall

23:25 10:19

Chiquitas – Zamgwürfelte

25:20 22:14

Chikas rotas – Zamgwürfelte

17:25 17:18

Laima Nostra – Schlaimer Zufall

19:25 12:23

Fesche Madl – Junge Wilde

23:25 06:17

Schlaimer Zufall – Fesche Madl

25:20 25:16

Junge Wilde – Chikas rotas

09:25 12:25

Chiquitas – Laima Nostra

25:23 22:14

Tabelle nach den Spielen der Hauptrunde	Sätze Bälle
1. Schlaimer Zufall	12:00 278:191
2. Chiquitas	09:03 251:196
3. Die Zamgwürfelten	08:04 274:198
4. Las chikas rotas	07:05 252:190
5, Laima Nostra	03:09 217:263
6. Die Jungen Wilden	03:09 185:261
z. Fesche Madl	00:12 149:307

Endspiel: Erster – Zweiter
Schlaimer Zufall - Chiquitas

17:25 12:25